[ännern] Historie

Anfungen hett dat Festival 1973. Dat weer an’n 8. un 9. September 1973 un hett Es rockt in der Heide heten. En tweet Festival ünner’n Naam First Rider Open Air hett dat an’n September 1977 geven. Dit Festival weer en kumplett Fiasko. Veel Bands sünd gornich eerst kamen un de de kamen sünd, kunn de Veranstalter nich betahlen. Nadem blot fief vun 23 Bands, de ankünnigt weren, optreden schullen, hebbt untofredene Besökers un Ordners denn dat Randaleren anfungen un ok noch de Bühn ansteken. Dat geev alltohoop mehr as ene Million DM Schaden.

Eerst 1997 schull dat wedder en Festival in Scheeßl geven. Dat dee nu Hurricane heten. Dat is elk Johr an en Wekenenn in’n Juni. Toeerst Sünnavend/Sünndag, sied 2003 ok al an’n Freedag vörher.

Sied 2007 gifft dat ok en twete Bühn buten vun’n Ekenring. Dat weer nödig, dat dat Gelänn mehr Lüüd faten kann. 2005 harr dat bi’n Hurricane en Besökerrekord mit 60.000 Lüüd geven. Aver veel Lüüd hebbt sik dor över dat Gedräng beklaagt. Dorüm harrn se 2006 blot 50.000 rinlaten. Mit dat Vergröttern vun dat Gelänn 2007 hebbt se denn wedder 60.000 tolaten un 2008 sogor 70.000. Dat Gelänn is aktuell so bi 200 Hektar groot.

[ännern] Feernsehn

De Feernsehrechten harr bet 2004 VIVA. Sieddem VIVA 2004 vun Viacom övernahmen worrn is, hett Viacom de Rechten an MTV wiedergeven, dat ok to Viacom höört. De Senner wiest elk Johr enkelte utwählte Optreed. 2004 sünd ok dat eerste Maal de Optreed op de Center Stage in HD-TV opnahme worrn un op’n HDTV-Sender Euro1080 wiest worrn.

[ännern] Festivals in verleden Johren